Cavid Qurbanov yeni yollardan danışdı

Ötən il ümumi istifadədə olan 537,2 kilometr avtomobil yolu tikilmiş və təmir olunub. 

Azərtac-ın məlumatına görə, bunu “Azəryolservis” Açıq Səhmdar Cəmiyyətin sədri Cavid Qurbanov bildirib. O deyib ki, bunun 134,6 kilometri respublika, 402,6 kilometri yerli əhəmiyyətli avtomobil yoludur. İl ərzində 25 körpü istifadəyə verilib.

“2006-2015-ci illər ərzində respublika əhəmiyyətli 3578 kilometr, yerli əhəmiyyətli 5928 kilometr avtomobil yolunun yenidən qurulması və əsaslı təmiri, Bakı şəhərində nəqliyyat tıxaclarının aradan qaldırılması və əhaliyə göstərilən nəqliyyat xidmətlərinin səviyyəsinin yüksəldilməsi məqsədilə müxtəlif yol qovşaqlarında yol ötürücülərinin və keçidlərin tikintisi nəzərdə tutulub. Hazırda bu işlər uğurla davam etdirilir.