“Mətbuatla bağlı məsələlərə həssas yanaşılır”

Bu gün mətbuata göstərilən diqqət və qayğı çox yüksək səviyyədədir. Bununla əlaqədar bir çox proqramlar həyata keçirilir. Azərbaycan Prezidenti İlham Əliyevin mətbuata diqqət, qayğı göstərməsi əlbəttə ki, media ictimaiyyəti tərəfindən yüksək qiymətləndirilir”.  Vətəninfo.az SİA-ya istinadla xəbər verir ki, bunu  Mətbuat Şurasının sədr müavini, Jurnalistlərin Həmkarlar İttifaqının sədri Müşviq Ələsgərli deyib.
Sədr müavinin sözlərinə görə, ölkədə nə qədər proqramlar həyata keçirilsə də mətbuatla bağlı məsələlərə həssas yanaşılır: "Ölkə başçısı tərəfindən Azərbaycan milli mətbuatının yaranmasının 140 illiyi ilə bağlı Sərəncam imzalandı. Həmin Sərəncmadan irəli gələn məsələlərlə bağlı Prezident Administrasiyasının rəhbəri, akademik Ramiz Mehdiyev tərəfindən Tədbirlər Planı təsdiq olunub. Tədbirlər Planında istər ölkə daxilində, istərsə də Azərbaycan mediasında iz qoymuş ayrı-ayrı xarici ölkələrdə tədbirlər keçiriləcək. Beləcə Azərbaycanın bütün bölgələrində regional konfranslar keçiriləcək. Eyni zamanda Türkiyə və Gürcüstanda da müəyyən tədbirlər baş tutacaq.  Artıq tədbirlərə start verilib. İlk tədbir Bakı Dövlət Universitetində keçirilib. Daha sonra "Əkinçi” qəzetinin yaradıcı, milli mətbuatımızın banisi Həsən bəy Zərdabinin anadan olduğu Zərdab şəhərində baş tutub. Hazırda isə Gəncə şəhərində regional konfrans keçirilir”.