Ramazan Bayramında avtobuslar pulsuz işləyəcək

Nəqliyyat Nazirliyinin Nəqliyyatı İntellektual İdarəetmə Mərkəzi (NİİM) Ramazan Bayramı münasibəti ilə sosial aksiyaya start verib. NİİM-dən  verilən məlumata görə, Ramazan Bayramı günü paytaxtdakı bəzi sərnişin daşıma vasitələrində (avtobuslarda) sərnişinlərdən gediş haqqı alınmayacaq:

«Müəyyən olunmuş marşrutlardan gün ərzində istifadə edən sərnişinlər gediş haqqı ödəməyəcəklər. Aksiya Ramazan bayramı ilə bağlı həyata keçirilir və bir gün davam edəcək», deyə məlumatda bildirilir. 

NİİM-in məlumatında deyilir ki, Mərkəz belə aksiyanı ilk dəfədir ki, həyata keçirilir:

«NİİM bu kimi aksiyaların davamlı olmasını və gələcəkdə də ənənə halına gəlməsini ümid edir».

Qeyd edək ki, Nəqliyyatı İntellektual İdarəetmə Mərkəzinin yaradılmasına 2009-cu ilin aprelindən başlanıb və 2011–ci ilin sonundan Mərkəz fəaliyyətə başlayıb. Mərkəzin əsas məqsədi ölkə yollarında nəqliyyatın hərəkətinin tənzimlənməsi və problemləri aradan qaldırmaqdır. 
Apa