Ukrayna Rusiya qazının idxalını dayandırır

İyunun 16-dan Rusiyadan qaz tədarüklərinin dayandırılmasını nəzərdə tutulur

Ukraynanın Baş naziri Arseni Yasenyuk müvafiq nazirliklərə, "Naftoqaz Ukrayna" rəhbərliyinə və dövlət vilayət administrasiyalarına enerji sahəsinin fəaliyyət planına keçilməsi barədə göstəriş verib.

Vətəninfo.az Trend istinadən verdiyi məlumata əsasən, fəaliyyət planı iyunun 16-dan Rusiyadan qaz tədarüklərinin dayandırılmasını nəzərdə tutur.

A.Yasenyuk, həmçinin "Naftoqaz Ukrayna" rəhbərliyinə və ədliyyə nazirinə Stokholm Arbitraj Məhkəməsində "Naftoqaz" və "Qazprom" arasında əlaqələri ölkənin maraqları çərçivəsində qorumaqla bağlı hazırlıq prosedurunu yekunlaşdırmağı tapşırıb.